Maine apologizes to Julie Anne backstage at Sunday Pinasaya

Kung napuno ng kasiyahan at kilig ang stage ng Sunday Pinasaya ngayong araw, December 13, lingid sa kaalaman ng marami ay mayroon palang naganap na iyakan sa backstage.

Ito ay dahil sa paghaharap nina Julie Anne San Jose at Maine Mendoza sa dressing room.

Si Julie Anne ay mainstay sa naturang comedy-musical program ng GMA Network, habang si Maine naman ay special guest ngayong araw.

Kabilang din sa Sunday Pinasaya ang ka-loveteam ni Maine at kalahati ng AlDub na si Alden Richards.

Ayon sa tweet ng isa pa sa mga mainstay ng programa na si Gladys Guevarra, nilapitan at niyakap daw ni Maine si Julie Anne.

Humingi rin daw ng paumanhin si Maine sa singer-actress.


Clueless ako, i swear. So nice of @mainedcm napaka humble, i just saw her hugging @MyJaps ???? apologizing si Yaya Dub. Ano meron??????

— gladys guevarra (@igladysguevarra) December 13, 2015



Nakita rin diumano ni Gladys na umiyak si Julie Anne.

 Bebe @MyJaps crying ???? Smile ka na ????

— gladys guevarra (@igladysguevarra) December 13, 2015

Pero "clueless" daw si Gladys kung ano dahilan ng nasaksihan niyang eksena.

Para sa mga hindi nakakaalam, hindi sinasadyang nagkaroon ng isyu sa pagitan ni Julie Anne at nina Maine at Alden dahil sa hindi pagkakaunawaan na nagsimula sa Twitter noong December 7, Lunes.

Isang Twitter follower ng direktor ng Sunday Pinasaya na si Rich Ilustre ang nagtanong kung ang girlfriend ba ni Alden sa tunay na buhay ay si Julie Anne.

Sinagot ito ng direktor ng "yup."

Ngunit sa pakikipag-usap ng entertainment columnist na si Allan Diones kay Direk Rich, sa pamamagitan ng text, ipinaliwanag nitong inaantok pa raw siya nang mabasa ang nasabing tweet ng fan.

Ang basa raw kasi niya noong una ay "friend" sa halip na "girlfriend" kaya sumagot siya ng "yup."

Nang ma-realize niyang mali ang kanyang pagkakabasa at ang naging sagot ay agad daw niya itong binura.

Pero kumalat na raw ito agad sa social media at umusok na ang galit ng AlDub Nation.

Dahil sa gulong naidulot ng kanyang pagkakamli ay humingi ng paumanhin si Direk Rich kina Maine, Alden, at pati na sa AlDub Nation.

Nadawit din sa galit ng AlDub fans si Julie Anne, na inulan ng batikos sa social media kahit wala naman siyang direktang kinalaman sa isyu.

Kaya sa pagkikita nina Maine at Julie Anne kanina sa studio ng Sunday Pinasaya, si Maine na mismo ang lumapit kay Julie Anne upang humingi ng dispensa kung anuman ang mga masasakit na salitang nakarating sa kanya.

Hindi naman nabanggit ni Gladys sa kanyang tweet kung naroon din si Alden nang magyakapan sina Maine at Julie Anne.

Wala rin daw kumuha ng litrato ng naganap na eksena bilang respeto na rin sa dalawa. —PEP

For the full story, visit PEP.

source: gmanetwork.com

Alden Richards denies courting Julie Anne San Jose

May bulung-bulungang balak daw ligawan ni Alden Richards ang kapwa niya Kapuso star na si Julie Anne San Jose.

Nagsimula ito noong nakaraang Pasko kung saan nagpalitan ng regalo ang dalawa—at nabigyan ito ng malisya ng ilan.

Binigyan ni Alden si Julie Anne ng neck pillow na may teddy bear head, at binigyan naman ng young singer-actress ng chocolates ang young actor.

Doon sila unang nagkatuksuhan.

At nang mag-guest si Alden sa Startalk TX nung Sabado, January 4, ay tinanong ito sa kanya.

Inamin niya ang exchange gift nila nung nakaraang Pasko. Pero itinanggi ng binata ang balitang nililigawan nito si Julie Anne.

“Sino ba naman po ang hindi mai-in love kay Julie Anne? Pero wala pa po… hindi pa po ako nanliligaw.

“Mabait siya, e. Napaka-down to earth. Walang arte, yung star complex," pagsalawaran nito sa Kapuso young singer.

Hindi pa masabi sa ngayon ni Alden kung balak nga ba niyang ligawan, dahil hindi naman daw siya nagmamadali.

Pero handa naman daw siyang ma-involve sa isang relasyon ngayong taon.

Kung si Julie Anne na ba ito, hindi pa raw niya masasabi dahil hindi pa naman daw sila nakakapag-usap nang masinsinan.

Sabi ng Kapuso heartthrob, “Nagkakasama lang naman po kami sa Party P [Pilipinas], minsan sa mga out-of-town shows—at doon ko siya nakita kung gaano siya ka-genuine na walang kaplastikan."

Ang isa pang inaalala ni Alden ay ang JuliElmo fans, ang hukbo ng tagahanga ng tambalang Julie Anne San Jose at Elmo Magalona.

“Yun nga po, e. Pero hindi ko naman po aagawin si Julie Anne sa loveteam nila," paniniguro ni Alden.

Sana raw maintindihan siya ng JuliElmo fans na baka magalit nga sa kanya.

“Kami naman ni Elmo, wala naman po kaming problema, e. Hindi pa nga po namin ‘to napag-usapan. Bahala na po," nakangiting pahayag ni Alden.

MALE BEAUTY PAGEANTS. Samantala, hiningan na rin ng PEP.ph (Philippine Entertainment Portal) si Alden ng reaksiyon sa mga kumakalat sa Internet na mga dating litrato niya nung sumasali pa siya sa all-male beauty pageants.

Sabi niya, “Aware naman po ako, at saka okay lang po kasi naging part ko naman po ang pageant, e.

“That was three years ago, at wala naman po akong dapat ikahiya since ginawa ko naman po talaga siya."

May ilang mga litrato nitong naglalabasan na naka-swimming trunks at hindi naman daw ito isyu sa kanya.

Kung sakaling mabigyan siya ng proyekto na medyo daring, nakahanda naman daw siyang gawin ito.

“Twenty-one naman po ako, at least for a change po," napangiti niyang sagot.

Kung sakaling mabigyan siya ng proyektong kailangan niyang maghubad, okay naman daw siyang gawin iyon basta maganda lang ang material.

“Opo naman. Kung kinakailangan po sa story at kung nakakaganda sa project, why not?"

Pati gay role ay kaya naman daw niyang gampanan. Ang hindi lang daw siya handa ay makipaghalikan sa kapwa aktor.

“A, yung physical contact, hindi ko pa po kaya.

“Basta kung matinong gay role po na hindi kabastus-bastos at 'di nakakasira ng image, open po ako diyan," sabi ni Alden sa PEP. -- Gorgy Rula, PEP

source: gmanetwork.com