Kahit ang mga bata, sinusubaybayan na ang mala-live soap opera ng pag-iibigan nina Alden Richards at Yaya Dub sa Eat Bulaga!. Katunayan, ang four-year-old girl na fan ni Yaya Dub na si Asha Gomez, naiyak dahil sa ginagawang pagkontra ni Lola Nidora sa pagmamahalang "AlDub" forever.
Sa "Chika Minute" report ng GMA News 24 Oras nitong Lunes, sinabi ng mommy ni Asha na si Thea, na paborito takaga ng kaniyang anak si Yaya Dub kaya naaapektuhan ang bata sa ginagawa rito ni Lola Nidora.
Katunayan, ginagaya rin ni Asha ang dance moves ni Yaya Dub at maging ang kanyang "pabebe" dubsmash.
Wish ni Asha na makita niya in-person si Yaya Dub, at nag-alok din ang bata na sa kanilang tumira kapag muling inapi ni Lola Nidora.
Sa isang Twitter post, sinabi naman ni Yaya Dub kay Asha na, "Tahan na baby, lalaban si Yaya Dub!"
source: gmanetwork.com
