Get to know Russian model Alina Bogdanova, Kalyeserye's Cindy Kournikova

Nakuha ng Russian model na si Cindy Kournikova ang atensyon ng AlDub Nation at lahat ng mga tumutok sa Kalyeserye ng noontime show na Eat Bulaga nitong Martes.

Si Cindy ang inirereto ni Lola Babah sa kaniyang apong si Alden, at siya rin ang magiging karibal ni Yaya Dub sa puso ng Pambansang Bae. Sa katunayan, nais na ni Lola Babah na mag-date ang dalawa upang magkakilala sila nang mabuti.

Marami man ang kinabahan para sa forever ng AlDub, marami rin ang hindi itinanggi ang kanilang paghanga sa kagandagan ni Cindy, na napag-alamang Alina Bogdanova ang tunay na pangalan.

Si Alina ay totoong Russian model, at tatlong taon na siyang nananatili sa Asya bilang bahagi ng kaniyang modelling career.

Ilan pa sa mga bansang kaniyang napuntan ay ang China, Istanbul, at Indonesia.

Hindi rin dapat mangamba ang mga AlDub Nation o MaiDen supporters, dahil sa totoong buhay mayroon nang kasintahan si Alina na isang Filipino model.

source: gmanetwork.com

AlDub's first date, itinakda na sa Sabado

From AlDub to MaiDen?

'Yan ang sigaw ng mga fans sa pagpapatuloy ng kalyeserye ng Eat Bulaga ngayong Huwebes.

Kaya naman sinubukan ang compatibility ng dalawa sa isang matching game.

Unang tanong: Umuulan o mainit na panahon?

Parehong sagot nina Alden at Maine: Umuulan!

Pangalawang tanong: Jeep o LRT?

Jeep para kay Alden, pero LRT naman para kay Maine.



Third question: Park o beach?

Tugma na naman ang dalawa sa sagot na beach!

Pang-apat na tanong: Beatles o One Direction?

Old school si Alden sa Beatles, pero current naman si Maine for One Direction.

Usapang ulam sa panlimang tanong: adobo o sinigang?

Swak na naman ang sagot ng dalawa sa sinigang.

Meryenda naman ang topic ng seventh question: pancit o spaghetti?

Nagkasundo na naman ang dalawa: pancit all the way!

At ang last question: church wedding o beach wedding?

Pareho ang sagot ng dalawa: sa simbahan!




Samantala, inihayag na ni Lola Nidora kung ano ang regalo niya para sa pangalawang monthsary nina Alden at Yaya Dub.

Ito ay mga cupcake na may mga letrang A-T-D-E.

Kapag ni-rumble ang mga letra, ito ay isang DATE.

"Pinapayagan ko kayong mag-date ni Alden," ani Lola.

Dagdag pa ng matanda, sa Sabado na ang first date!

Abangan ang susunod na kabanata sa pagpapatuloy ng kalyeserye sa Eat Bulaga. -JST, GMA News

source: gmanetwork.com